He thu hi Serchhip ZPM Local Steering Committee-in intuaitharna vawiina an buatsaih hmanpuiin a sawi a, Pu Lalduhoma chuan Congress leh MNF te chu ram leh mipuite hmangaihna tak tak nei lova lal\huthleng chauh duhah a puh a, tunah hian Mizoram chu State hrang hrang zinga AIDS vei tamna, Cancer tamna, Zunthlum leh natna benvawn dang tamna a ni tih sawiin \henawm ram, ringlo mite awmna aia hriselna lam leh hmasawnna lama Mizoram a hniam chu pawi a tih thu a sawi a, Chakma Autonomous District Council inthlanna neih hnuhung bera Council sorkar siam tuma nasa taka inhruipawh party pahnihte chu Congress leh MNF an ni tih sawiin hei hian heng party 2 te hian lalna leh thuneihna duh vangin ram leh hnam hi Chakma leh BJP hnenah an hralh phal tih a lantir niin a sawi. Pu Lalduhoma chuan MNF leh BJP chu North East Democratic Alliance-ah an inzawm tih sawiin inthlan apiangin MNF leh Congress chuan Chakma Candidate an nei \hin niin a sawi a, tun inthlanna neih turah pawh Chakma tamna bialah Congress leh MNF chuan candidate an nei leh dawn niin a sawi a, ZPM chuan Davida ralthuam, Pathian chakna leh thil tih theihna hmachhuanin hnehna chan a tum niin a sawi.
