Vawiina an pawl Pisa-a chhung inkhawmah he thu hi sawiin, Pu Lalduhoma chuan inthlanna buaipuitu official te inpekna leh thawhrimna chu fakawm a tih thu a sawi a, Pathian kaihhruaina avanga boruak muanawm tak hnuaia inthlanna neih a ni thei chu \awng\aia lawmthu sawi \heuh turin mipuite a ngen a ni. Pu Lalduhoma chuan, Mizoram Assembly inthlanpui neih zawh takah khan MNF party chu eptu pawla an awm rei tawh avangin sum leh pai lama harsatna nasa tak an tawh ngei a rinawm laia rin ang lo taka inthlan senso leh a behbawm atan sum an ngah hmel ta ber te, flag pawh a tar uar ber an ni chu mak a tih thu sawiin, hetiang taka sum an neih chhan hi tute emaw ipte zenpui an nei a nih hmel hle a ni a ti a. Thil awmdan a\anga a lan danin, MNF party hian an thawhpui lo nia an sawi party \henkhat chu a rukin an thawhpui ngei nia a lan thu leh hei hi inthlan result puan hnuah a hriat theih a beisei thu a sawi a ni.
He inkhawm hi ZPM General Secretary, Pu C. Lalvuana’n a kaihruai a, Pathian hnena lawmthu sawia an \awngtai rual hnuah bial hrang hranga Candidate-ten an dinhmun hrang hrang an sawi a ni.
