Vawiina an pawl chhung inkhawmah he thu hi sawiin, a mimal ngaih danah bial 26-a hnehna an chan a rin thu leh a mihring ang zawng chuan mi 25 an tlin a rin thu a sawi. Pu Lalduhoma chuan, ZPM chu kalphung thar hmang tura din a nih angin Mizoram Assembly inthlanpui neih zawh takah pawh party dang aiin an chezia nasa takin a danglam niin a sawi a. ZPM candidate-te chuan anmahni zawn \heuhah dik leh \ha thei ang berin inthlanpui an hmachhawn nia a hriat thu sawiin, an candidate zingah khawngaihthlak khawpa sum leh pai nei lo a awm a, heti chunga an sum neih ang ang party worker hnena an pekte chu hmang zo lova candidate-te hnena hlan kir leh an awm hialte chu an danglamna tilangtu leh chin chhunzawm zel chi a ni a ti. Pu Lalduhoma chuan, vote thlak nia pawisa beisei vanga vote thlak lawk duh lo an awm \hin chu \ha lo a tih thu sawiin, heng mite thlem nana an candidate-ten sum an hmang lo ngam chu thil lawmawm tak a ni a, hetiang sum beisei vanga vote thlak duh lote hi party dangte pawhin ngaihsak lo ngam se a duh thu a sawi a. ZPM chu kalphung thar sorkar din tumtu a nih angin kawng engkimah an kalphung a danglam a, hei hian Zoram Politics a siam\hat ngei a beisei thu leh, an hmalakna chuan Politics hi thianglim takin a khelh theih a ni ti tih a lantir nia a ngaih thu a sawi bawk.
He inkhawm hi ZPM Steering Committee Chairman, Pu Lallansawta’n a kaihruai a, bial \henkhata candidate-ten report an pe bawk.
