ZNP National Council meeting hi an pawl President, Pu Lalduhoma’n a kaihruai a, Resolution pass-in ZPM-a tel Party leh Pawl hrang hrangte a rang thei ang bera Party pakhata inchhunfin chu kum 2017 December ni 14 khan an lo remti tawh tih an sawi a, vawiin thlenga an duhna tihpuitlin a la ni thei rih lo chu pawi an tih thu an sawi a. ZNP National Council vawiina \hukhawm chuan Party pakhat-a inchhunfin rawtna hi ngun taka a ngaihtuah nawn lehin, ZPM-a tel Pawl dangte chuan lungrual tak leh hun khawhral zui tawh lova a rang thei ang bera Party khata inchhunfin an rel tlu ve thei a nih chuan ZNP chu a dinna ngaiah a la ding reng tih sawiin, Party pakhat-a inchhunfin thuai chu \ha an tih thu an sawi a ni.
ZNP Party hotute hnen a\anga thudawn danin, ZPM-a tel Political Party leh pawl hrang hrangin Party pakhata inchhunfin rawtna hi an pawm tlang thei a, an ruahmanna hi tihhlawhtlin theih a nih chuan tun \uma ZNP National Council \hukhawm hi ZNP an nih anga an pawl thuneitu sang \hutkhawm hnuhnung ber a ni tawh dawn a ni.
Hetihlai hian party pakhata inchhunfin chungchanga hi MPC party erawh chuan an la rel fel lo a, MPC party hotu pakhat hnen a\anga Zonet thudawn danin party pakhata inchhunfin rawtna lehkha hi Office Bearers te chuan vawi khat thlir ho tawhin inhrilhfiah ngaite an inhrilhfiah a, an party president Delhi lama inenkawla awm mek, Pu Lalhmangaiha Sailo Mizorama a lo hawn huna la ngaihtuah chhunzawm leh turin an dah a ni.
ZPM hnuaia political party leh pawl \henkhatte thawk ho tura hmalatu Zoram Exodus Movement lam hotute chuan party pakhata inchhunfin hi an hlawhtlinpui theih ngei an beisei tih Zonet zawhna chhangin an sawi.
