Vawiina Aizawl Press Club-a thuthar lakhawmtute an kawmnaah an pawl President, Pu L. Ramdinliana Renthlei chuan, khawvel hmun hrang hranga cheng Zo hnahthlakte rorelna pakhat hnuaia awm tura ZORO-in hma a lakna chuan Independent a kawk tih sawiin, hetihrual hian Independent nei tura va sual bur bur lam erawh an thil tum a nih loh thu a sawi a. Zofate chu Hnam khat ni mah se, chhan hrang hrang vangin an chet phung te, \awng leh tih dan a inang vek thei lo tih ZORO chuan a pawm a, chuvangin Zo hnampui Zofa chhungah hian Zo hnam peng hrang hrang an awm tih pawm a nih thu leh chungte chu anmahni nihnaah \heuh Hnam anga thlamuang tak leh hlim taka an awm theih chu an duh a, chu chu an thil tum pawh a nih thu sawiin, Hnam hming chungchanga ngaihdan inang lo awm \hinah ZORO chuan duh loh emaw pawm loh emaw a nei lova, heng mite zawng zawng nen hian pawm vek a ni tih a sawi. Pu Ramdinliana chuan, India, Bangladesh, Myanmar leh khawvel hmun danga awm Zofate chu anmahni awpbettu-ten ramri siam sak mah se, ram chuan ri a nei a, hnam chuan ri a nei lo tih chu an ngaihdan a nih thu leh an khawsakna hmun a hran vanga nunphung lo danglam leh unau, mahni chipuite ngei inhre tawn tawh lote huikhawm a, thlah khat an nihna leh unau an nihna hriattir chu ZORO thil tum pakhat a ni, a ti a. Engtik hunah emaw chuan Zofate hmun hrang hranga chengte chu rorelna pakhat hnuaiah an la awm khawm dawn a, chumi tihlawhtling tur chuan theihtawp an chhuah dawn tih sawiin, hemi kawnga hmalaknaah hian Zofate Jeruslem Aizawl khawpui chu nasa taka a inbuatsaih a ngai a, \awng hrang hman vanga mihrang ena in en ringawt ang chi chu bansan a hun hle tih ZORO \halai President chuan a sawi.
Zawhna chhangin ZORO \halai hruaitute chuan, hun engemawchen kal tawh anga Zo hnahthlakte rorelna pakhat hnuaia an awm theih nana ZORO-in UN kaltlanga hma a lakna chu bawhzui zel a nih thu leh tual\o hnam peng hrangte tana UN-in an ngaihdan leh duh dan thawh theih hun a pek chu kum 2024 hian a tawp tawh dawn avangin hemi hmaa Zo hnahthlak mipuite an inpeih a hun tawh tih sawiin, UN hian a pawnga puiin Independent a pe ngawt thei lova, tual\a hnamten rorelna pakhat hnuaia awm tura an duhna an tihlan a ngaih ve avangin chumi tur chuan rilru lo inbuatsaih lawk a ngai hle tih an sawi.
