Legislature Party hming thlak a dilna phalsak a nih thu hi Assembly Secretariat chuan vawiin khan Pu Lalduhoma hi lehkhain a hriattir a, ZPM political party-a ziahluh a nih tak hnuah ZPM thlawpa Independent-a thlantlin te hi ZPM Legislature party tia an awm zui a remchang ta lo tih sawiin ZPM Legislature party chu tih tawp lailawk a lo ni tawh a, tuna an hming thar tur, Assembly Secretariat in a pawmpui tak, Zo Peoples Movement Legislature Party tih hi a lamtawi chu ZPM Legislature party tih tho a ni dawn a ni.
Nikum September ni 18-a ZPM Legislature party tih tawp lailawk a nih vang khan Congress Legislature party chu Mizoram Assembly ah member ngah ber a nih tak avangin opposition group hruaitu \hutna pawh Congress lamin an luah nghal a, tuna ZPM Legislature party pawmpui a nih leh takah hian tun thla ni 17-a Budget Session \an turah Opposition Group leader \hutna chu Pu Lalduhoma’n a luah let leh thei dawna ngaih a ni.
