Pawl pathum \angrual, Zoram Peoples’ Movement-in vawiin khan Aizawl Press Club-ah Mizo hnam himna tura sorkar kalphung thar siam an tum dan an sawifiah a. ZPM Val Upa Council Chairman, Pu Lalfak Zuala chuan, sorkar thar din an tumna kawngah kalphung danglam bik an nei dawn nia sawiin, Mizo khawtlang nunah inrelbawlna mawi leh zahawm tak hman a nih \hin dan angin, sorkar uap a, an hnathawh viltu tur, Val Upa Council din a ni a. Hei hi sorkar chei mawina satliah mai ni lovin, dik leh chak taka mipui rawng an bawl theihna tura venpuitu a ni dawn niin a sawi. Chief Secretary hlui, Pu Lalfak Zuala chuan, \angrual pawl thlung khawmtu atan Steering Committee din a nih tawh thu leh hruaitute pawh ruat fel an nih tawh thu a sawi a, an hnathawh zel dan tur leh Common Programme pawh siam chhoh zel a nih tur thu a sawi. Steering Committee hi District, Block, Group leh Unit Level-ah din vek tum a ni a, a duh apiang tan din theih reng a ni a, a theih chin chinah Headquarters kalphung zawm tura beisei an ni tih a sawi bawk. Val Upa Council Chairman chuan, \angrual pawl hawnna leh hruaitute hlanna inkhawm chu October ni 3 hian Aizawl Chanmari YMA Hall-ah neih a ni dawn tih sawiin, mipui sorkar din duhtu apiang chu tel turin a sawm nghal a ni.
|angrual pawl zinga mi, ZNP President, Pu Lalduhoma chuan, nakkuma Assembly inthlanpui neih turah hian tuna rorel lai pawl, Congress Party chu mipuiin thlak hun an ti tawh a, a thlaktu tur lamah an la buai rih mai niin a sawi a. Sorkar ding lai paih a, hmana mipuiten an hnawl tawh hnu bawk an sorkar loh nan leh sorkar thlakna tlak ni turin Zoram Peoples’ Movement chu din a ni ta nia sawiin, Party mal sorkar din lova, mipui sorkar, kalphung thara rorel tur din turin he thawh hona hi din a ni tih a sawi. Pu Lalduhoma chuan, sorkar paih thla theitu leh siam theitu chu mipuite an ni tih sawiin, tuna Mizoram dinhmunah hi chuan sorkar chelhtu, Political party-te aiin a siamtu, mipuite kutah a innghat nasa zawk nia sawiin, mipuite chu ngaihtuahna fim tak nena \awiawm turin a ngen a. Mizoram hmun hrang hranga an party mite chu \angrual pawl thlawp vek turin a sawm bawk.
MPC Vice President, Pu Vanlalhlana pawhin, an party chu \um eng emaw zat thawhhonaa lo tel tawh a nih avangin tuna pawl pathum \angrual chu rintlak a ni tih an hre chiang niin a sawi a. An Party chu a len loh avangin sorkar \ha siampui theih tur an zawn hnuah he thawh hona \ha tak hi a lo piang ta niin a sawi. Zonet zawhna chhangin, ZNP President, Pu Lalduhoma chuan, nihnaah a buai ngai loh thu leh, Mizorama Political party hruaitute zingah amah chauh chu mahni hna kalsan a, ram tana inpe awm chhun niin a sawi a, tuna an thawh hona turah pawh hian nihna avanga buaina a awm loh tur thu a sawi. ZPM thupuangtu, Pu K. Sapdanga pawhin, an thawhhona chu mipui rorelna duhtu pawl emaw mimal emaw tan englai pawha zawm theih a nih thu leh tunah hian pawl 2-in an thlawp thu an sawi tawh tih a sawi.
