Vawiina Aizawl Press Club-a thuthar lakhawm an kawmnaah ZPM Steering Committee Chairman, Pu Lalliansawta chuan, inthlanna neih zawh taka mipui candidate vote tu mipuite chungah ZPM huan lawmthu a sawi tak meuh a ni, a ti a. Inthlannaah chak zo ta lo mah se, Sorkar \ha, mipui sorkar a awm ngei theih nan Mizoram mipuite chu lo inbuatsaih chhunzawm zel turin a sawm a ni. Pu Lalliansawta chuan, inthlan neih zawh takah Campaign auhla atana Citizenship Amendment Bill 2016 tharthawh leh Uniform Civil Code hman tumtu BJP chu a sorkar tak avangin India ramah Kristian sakhaw lungphum a nghing ta niin a sawi a, hemi dodal thei tur bera ngaih MIzoram sorkar lah Kristiante thlamuan tur zawnga au chhuak lova, BJP leh NDA an thlawp tur thu sawitu an nih avangin Mizorama eptu party zawng zawngte chuan \angrual tura ngenna an dawng nasa hle a ni, a ti a.
Hun tepter tak taka \anrualna dawhkan an buatsaih danah duhthusam lo tam tak a awm chu pawi an tih thu sawiin, ZPM Chairman chuan, Party symbol dah\haa common symbol hman kha Congress Party ten rem an lo tih avang leh, common candidate pawm tlan theih an neih avangin kan thawk ho ta a ni, a ti. Thuthar lakhawm tute zawhna chhangin ZPM hruaitute chuan, Lok Sabha member thlanna neih zawh taka an chak loh chhan chu Congress party an thawhpui vang niin an sawi a. Inthloan result khan Congress party chu mipui ten an duh loa an hnawl mek a ni tih a tichiang hle niin an sawi. ZPM hruaitute chuan pawl hrang hrang te party khata inchhunkhawm an tumna kalzelah thil tihfel ngaite ala awm neuh neuh avangin tun thla chhunga inchhunkhawm an tum chu an la tihfel theih dawn loa, July thla tawp hma chuan Party pakhata inchhunkhawm theih an inbeisei tih an sawi.
