He thu hi vawiina Aizawl Press Club-a thuthar lakhawmtute a kawmnaah sawiin, Mizorama sorkar awm tawhte rorel dan chu mi tlemte thuneihna leh hausakna, Party bil induhsakna atan Aizawl tlang a\anga rorelin, thuneihna zawng zawng an pumhmawm emaw tih mai nia a lan thu a sawi a, he kalphung hi \ha an tih loh avangin India ram danpui siam\hat vawi 73-na zulzuia thuneihna semzai a, state rorelna hnuaia rorelna chhawng hnih a awm theih nan ZDF chu kum 2011 April ni 2 khan din a ni tih a sawi.
Pu Lawmthanga chuan, thuneihna semzai a, mipui rorelna a awm theih nana hma an lo lak ve tawhna chuan Political Party-te a kaiharh zo lo emaw an tih hnuah inthlan hma khan MNF Party chuan SEDP-ah he Policy hi an lo telh niin a sawi a, MNF hotute nen \um engemawzat an sawi ho hnuah kum 2017 December ni 12 khan thawh dunna thuthlung an siam ta tih a sawi. MNF party chu an intiam ang ngeia he ruahmanna hi tihlawhtling tura an beisei thu sawiin, tunah hian The Mizoram Local Government Act, 2019 Draft Bill chu peih a ni tawh a, hemi tihlawhtling tur chuan Assembly \hutkhawm hunah pharh a, pass a ngaih avangin an hmalakna chu an ngaichang reng dawn tih a sawi.
Zawhna chhangin ZDF President chuan, hemi chungchanga MNF sorkar hmalak dan chu ngun taka an enzui tur thu leh an duh ang hmalakna a awm lo a nih chuan kum 2011 a\anga hemi atana hma an lo lak tawhna thlawptu mi sing 7 chuangte nen na zawkin an nawr chhunzawm zel dawn tih a sawi.
