Inkhawm hi MJA Vice President Pu Lalremsiama’n a kaihruai a, an pawl President Pu Zonunsanga Khiangte chuan MJA leh ZONET-in tluang taka Miss Mizoram 2020 thlanna a zo fel thei chu lawmawm a tih thu a sawi a, Miss thlan chu \ul ti lo awm \hin mah se, \henkhat tan chuan eizawnna kawng an zawh tanna bul siamsaktu a nih thu te, tun tumah pawh modelling lama kal tur thlan an awm nghal thu te a sawi. Miss Mizoram thlan chhunga talent show buatsaihah talent ropui leh tha tak tak an phochhuak te chu contest ti hlu zualtu a ni a ti a, Miss Mizoram top 6 leh company in model atana a thlan te chu an chungah mipui mit a fu zual tawh dawn tih hrilhin nungchang leh mi dawnsawn dan thlengin mahni tlin chin chinah mi fak hlawh zui zel ni tura \an la turin a chah a ni.
Miss Mizoram 2020 Zirsangpuii pawhin thu sawiin, MJA-in Miss Mizoram huaihawt bul a lo \an dan chu ropui a a tih thu a sawi a, hmeichhiate dinhmun chawisangtu an nih thu te, Miss thlan neih chhunga an experience leh zirtirna an dawn hrang hrangte chu amah ang bawkin a contestant puite pawhin a \ha zawngin an hmasawnpui hle nia a hriat thute a sawi.
MJA-in Miss Mizoram thlan a chawlh lailawk laia thahnemngai taka Miss Mizoram lo huaihawt zuitu Pu C Dinthanga, Editor, Lelte Weekly hnenah Miss Mizoram Organising Committee-in chawimawina thuziak a hlan chu MJA president in a hlan a, Pu C Dinthanga hian Miss Mizoram an lo huaihawt chhoh dante sawiin, Miss-te fuihna thu a sawi a ni.
MJA hian Miss Mizoram 2020 top 6 leh model atana thlan tak, an vaiin mi 8 hnenah hian lawmpuina thilpek a hlan a ni.
