A tlangzarhna inkhawm Aizawl Vanapa Hall-a neih hi Zonet-a thupuangtu ni \hin, AMC Councillor nita, Nl. Zonunsangi Fanai-in a kaihruai a, He lehkhabu buatsaih a nih dansawitu Zonet hnathawktu zinga mi, Lalnun\awma Fanai chuan, Pu RK Lianzuala’n Facebook kaltlanga tuktin Article a ziah \hin chu midang tan \angkai thei tur a nih avangin a damlai khan a bua buatsaih turin a ngen \hin tih a sawi. Amah Pu RK Lianzuala kha a inthlanhrun avangin a remti mai lova, \um engemawzat a nawr hnuah lehkhua siam hi a remti a. Tihlawhtling tura hma an lak mel laiin natna khirh takin a tlak buak avangin tihlawhtling hman ta lo mah se, Zonet-in a tihlawhtling ta a ni, a ti a. He lehkha buatsaih chungchangah hian Pu RK Lianzuala chhungte chu rawn an ni lova, an hriatpui hek lo niin a sawi.
He lehkha nihpung sawitu Pu PL Liandinga pawhin, he lehkhabuah hian Politics a\anga Pathian thu leh mimal nun inkaihhruaina te, hriselna chung leh thil chi hrang hrang a tel tih a sawi a. A chhiartute tan thil \angkai tak a nih tur thu a sawi. Chhungkaw aiawha thusawitu Pu RK Lianzuala farnu, Pi Lalthanpuii pawhin Pu RK Lianzuala chu an unau zinga naupang ber ni mah se, chhungkaw khaikhawmtu ber a ni, a ti.
He lehkhabu hi chi 2-a siam niin, a kawm chhah chi chu pakhat Rs. 500 leh a kawm pan pakhat Rs. 300 man a ni a. Zuar chhawng duh tan Chanmari-a LV Art-ah ngaihven theih reng a ni.
