Pu Laldingliana Sailo hi pa hrisel tak a ni a, kumin March thla tawp lam khan insawiselna a neih avangin Synod hospital Durtlangah a inentir a, doctor te thurawn angin April ni 2 khan CMC Vellore ah kalpui a ni a, hetah hian thisen Cancer a nei tih hmuh chhuah a ni. Vellore a\ang hian Aizawl lama inenkawl turin Pathianni khan Aizawl lam panpui a ni a, Thawht\anni-ah Aizawl Mission Vengthlanga an chenna in thlenpui a ni. Zankhat a riah hnuah Thawhlehni khan Grace Nursing Home-ah dah luh a ni a, thisen te pek a ni a, tukin zingkarah pawh amah kantu te a la kawm a, thawklehkhatah buai thutin, zing dar 7:25 khan a thi a, a nupui Pi Lalhrangzuali Sailo leh a fa te pali a kalsan a ni.
Pu Laldingliana Sailo hi kum 1943 July ni 15 khan Pu Lalkunga Sailo leh Pi Laihnuni Pachuau te karah Thenzawl bul, Lungrang khuaah a piang a, Lungrang Primary School-ah pawl 3 thleng a zir a, kum 1964 ah Lunglei a\angin pawl 10 a pass a, Shillong St.Edmund’s college-ah Pre-University kum 2 course chu II Division ah pass in kum 1968 ah St. Anthony’s College atangin BA economics honours a pass a ni.
BA a pass hnu hian Nagaland-ah kalin Akuloto Government High School-ah zirtirtu hna a thawk a, kum 1971 ah a pawisa khawl tlem te nen Shillong-ah hna zawng turin a let leh ta a, Ministry of Information and Broadcasting hnuaiah Field Publicity Officer (FPO) in a lut ta a ni.
Kum 1972 a\angin FPO hna hi thawkin Arunachal Pradesh Tawang-ah a awm a, kum 1975-ah Jowai-ah transfer a ni a, kum 1982 ah Central Information Service-ah a lut leh a ni.
Central Information Service hna a zawm hnu hian News Correspondent hna AIR Kohima, Nagaland-ah 1982 khan a zawm a, kum 1983 ah All India Radio, Aizawl-ah News Correspondent hna a zawm leh a, General News Room New Delhi-ah hun engemawchen a thawh leh hnuin Aizawl AIR-ah News Editor hna a zawm leh a, 1997-a Doordarshan Kendra Aizawlin chanchinthar a tih chhuah dawnin Doordarshan News Editor ah dah a ni a, Doordarshan bakah hian All India Radio, Aizawl News Room pawh a enkawl tel bawk a ni.
Aizawl Doordarshan News leh AIR News te a enkawl kawp lai hian Field Publicity Joint Director-ah dah a ni bawk a, Directorate of Field Publicity-ah hian Kohima Region-ah Regional Director-ah a kaisang a, he hna hi 2005 December ni 12 a\anga a kum leh february ni 28 a pension thlengin a thawk a ni. He hna a thawh chhung hian Shillong Office a\angin Mizoram, Tripura leh Meghalaya te a enkawl bakah Kohima Office a\angin Nagaland leh Manipur te a enkawl tel bawk.
Kum 2006-a a pension hnuah pawh chanchinbumi a nihna a chhunzawm zel a, 2006 kum tawp lamah Zonet Cable TV Pvt Ltd News enkawl \anin, Chief News Editor a ni a, amah hi a nun zawng zawng journalism lama kal a ni a, thu dik leh thil dik duh mi, dik loa thil tih duh ngai lo a ni a, thil \ha nia a hriatah huai takin a \ang a, ama sahmim tih puarna tur lamin a ti buai ngai lo a, a hna rintawm taka thawkin, a thiamna zawng zawng midangte tana hman duh mi, midangte zirtir kawnga taima em em reng a ni.
Vawiina Pu Laldingliana Sailo vuina inkhawmah hian AIR leh DDK lama a lo thawhpui tawh \hinte leh Mizoram Journalist Association member te bakah amah ngainatu leh uitu mipui tam tak an pungkhawm a, Mission Vengthlang bialtu pastor R Laldinthara’n thlamuanna thuchah sawiin, a nupui Pi Lalhrangzuali Sailo in chhungkaw aiawhin thu a sawi a, a lawina Kohhran, Presbyterian Jubilee Kohhran upa Lalmalsawma Hmar-in \awng\aina hun hmangin thlanmual lamah upa Lalthangvunga Sailo in \awng\aina-in a thlah a ni. Zonet chuan naktuk zanah Pu Laldingliana Sailo pual bik programme a ti chhuak ang.
