Zokhawthar khawtlang chuan Assam Rifle ten duhsak bik neiin sumdawng thenkhat an pui niin an sawi a, kuhva leh motor an hrensak te an kawl rei tawh tih sawiin kuhva rah an chhuah thei lo a nih pawhin motor tal chhuah an phut tih an sawi a, Myanmar lam motor 9 an hreng tel chuan ram leh ram inthian thatna a tichhe thei nia sawiin chhuah thuai an phut a ni.
Zokhawthar mipuite hian Assam Rifles te hi Mizoram chu State ralmuang nihna zah lo leh haidera hel ram anga silai leh hmawlh te kenga hmun tina duty \hinah an puh bawk. Zokhawthar khawtlang hian Assam Rifle te hian sumdawngte hnen atanga pawisa an hmuh an beisei vangin an htuneihna a ni lo zawngin an hmang a ni an ti a, Assam Rifle te chu ram venhim hna thawk tur leh, sumdawnnaa inrawlh tawh lo tura an duh thu an sawi.
Hemi chungchangah hian Champhai SP Pu Rex Zarzoliana chuan Zokhawthar khawtlang hruaitute, Assam Rifle leh sumdawngte chu Zokhawthar Police Out Post ah a kawm a, kuhva rah leh leichi hmanga zokhawthara sumdawnna kalpui mek chu dan lo a tih a nih avangin tihtawp a \ul tih a sawi a, Assam Rifles ten lirthei an man te lak chhuah anih theih nan hmalak a nih tur thu SP hian khawtlang mipuite a hrilh a ni.
