ZNP |halai President, Pu Sai\huama’n tuna Mizoram ramri chu Barhluih Ramri-ah ZNP \halai chuan a ngai tih a sawi a. Vawiina Aizawl Press Club-a thuthar lakhawmtute a kawmnaah he thu hi sawiin, tunhma chuan Mizote chu tuma tihbuai lohvin an awm \hin a, hemi hnu kum 1844 a\anga 1895 chhung zet British nen ramri an inchuh hnuah kum 1895 September ni 6-ah Lushai ram chu British rama puan a ni a. Mizoram ramri hmasa ber chu kum 1850-ah siam niin, kum 1867 leh 1870-ah siam \hat leh a ni a. Hetih chhung hian ramriah harsatna a awm loh laiin Kum 1875-a ramri siam\hat leh a ni chu Mizote tithinurtu a ni ta a ni a ti a, hetiang ramri dik lo hi ZNP \halai chuan a pawm ve thei lova, kum 1875 ramri bak kha an pawm ve thei lo tih a sawi. Pu Sai\huama chuan, tun hnaia MZP-in Bairabi Zophai rama Zofate Chawlhbuk an sak zan khat pawh a ding lo leh nimin maia he buk sak\hat leh tuma kal Mizo zirlaiten Assam Police kut an tuar chu na an ti hle tih a sawi a, kum 2007-a MZP-in Vairengtea Zo Run an sak pawh khatih laia MNF Sorkar khan Police a lo \hiah tir tawh nia sawiin, hei hian MNF leh Congress kaihhruaina hnuaiah Mizoram chu a him lo a ni tih a tilang chiang hle tih a sawi bawk.
