ZNP President Pu Lalduhoma, ZPM in chief minister atana an hual nibawk in vawiin khan chanchinbumite kawmin tun hnaia Myanmar-a a zin chanchin a hrilh a, Zo hnahthlak hnam peng hrang hrang hotute nen an inkawmnaah tun hmaa Chief Minister, Pu Lal Thanhawla’n a tlawh tumin khawvel hmun hrang hranga cheng Zo hnahthlakte chu rorelna pakhat hnuaia an la awm a beisei thu a sawi chuan Myanmar sorkar a tiralkhel hle tih an lo hrilh nia sawiin, tun hma zawng aiin an zalen loh phah tih an lo hrilh niin a sawi.

MNF President, Pu Zoramthanga’n a tlawh ve \um chuan tun hmaa Myanmar mi Mizoram a\anga hnawhchhuah chu Congress vang nia sawiin, he thil hi Congress VC hnuaiah a hluar thu a sawi chuan mi\henkhat a tithinrim hle tih an lo hrilh niin a sawi a, hnam peng \henkhat phei chuan duhlian \awng an hman duh loh phah nia sawiin, Burma mi hnawhchhuah runpui thlen lai kha MNF sorkar lai a ni a, he thil thleng chungchangah hian khatih laia Chief Minuster, Pu Zoramthanga chuan thupha chawi lova Congress party a puh daih chuan a tithinrim hle niin a sawi. Pu Lalduhoma chuan, Mynamar an tlawhnaah hian an ram Vice President, zo hnahthlak nibawk Pu Henry Van Thio chu zo hnahthlak hnam peng hrang hrangin pumkhatna \ha zawk an neih theih nana hmalak dan tur a sawipui tih a sawi bawk.