ZNP President Pu Lalduhawma’n BJP hruaitu pakhat nena an inbiakna record putru chungchang-ah, BJP chungchang chu ZPM Streering Committee in thutlukna an siamfel tawh a, buaina tur engmah a awm tawh lo a ti. ZNP President leh BJP hruaitu pakhat inbiakna record thehdarh chung chang hi vawiin khan ZNP President chaun thuchhuah siamin a sawifiah a. ZNP President chuan Central BJP hotute leh Mizorama an hotute chuan an be pawp fo \hin tih sawiin, an party a lut tur te pawhin an sawm \hin tih a sawi a. Amah chauh lo mi dang tam tak MNF leh Congress hruaitute thlengin an sawm ni-a a hriat thu sawiin, ZNP President chuan BJP-a luh chu a thei lo tih chiang takin a hrilh \hin niin a sawi. Champhai District BJP Secretary Pu Lianchithanga hian a biak ngei thu sawiin, an inbiakna chu record-in a vawrh darh ta tih a sawi. ZNP President chuan BJP hotute nena an inkawm chang pawhin, Central-a sorkarna changtu an nih avanga in\hianthat an duh thu te, a thu a zira thawhho pawh an remtih theih dan a awm tur thu te a lo hrilh mai \hin tih a sawi a, amaherawhchu, BJP hotute hian thawhho an duh dan engmah sawi chian an la neih loh avangin ZNP emaw leh ZPM hotute emaw hnena thlen chhawn tur engmah a la nei lo tih a sawi. ZPM chuan BJP chungchang hi tun hma lamin an la ngaihtuah ngai lo tih Pu Lalduhoma chuan a sawi a, hetihlai hian nimina ZPM Streering Committee \hukhawm chuan Mizo mipuite chu BJP lakah an fimkhur hle a ngai dawn nia an ngaih thu an sawi a ni a ti a. Hei vang hian ZPM chuan BJP nena inzawmna neih loh a him ber ang tih lungrual takin an pawm tih a sawi.
Lalduhoma leh BJP hruaitu pakhat telephone-a an inbiakna record putru ah hian Lalduhoma hian BJP nen \hian \ha nia thawhdun a pawi tih loh thu a sawi lang a, hei hi social media lamah nasa taka vawrh darh a ni.
