ZNP leh MPC |halai-ten Mizorama CBI koh luh chungchang, politics-a ham\hatna hmuh tum nana hmangah Congress leh MNF Party an puh a. Party pahnih \halai hruaitute hian vawiin khan MPC Party Pisa-ah thuthar la khawmtute kawmin, Mizoram sorkarin kum 1990, June ni 27 khan CBI chu Mizoram puma hnathawh theihna a lo pe tawh nia sawiin, hemi bawhzui hian CBI chuan Aizawla Govt. Complex-ah Pisa hawngin hnathawk turin a inbuatsaih nghal a. Hnathawk tura hma an lak dawn takah chuan khatih laia rorel lai Congress Party chuan, kum 1995 December ni 8 khan sorkar laipuiah lehkha thawnin, CBI chu Mizoram chhunga an duh ang anga hnathawh an remtih loh thu leh sorkar nen an inrawn hnuah chauh hnathawh phalsak an nih thu a thlen a, MNF pawhin an sorkar lai, kum 2002, July ni 15 khan Mizorama hnathawk turin eng chungchangah pawh CBI hian Mizoram sorkar phalna a la hmasa ngei ngei tur a ni tih hriattirna a tichhuak niin an sawi. ZNP leh MPC |halai hruaitute chuan, kum 2007-a Pastor pakhat tualthih chungchangah khan khatih laia eptu pawl, Congress Party chuan an sorkar hunah a chhui chiang tura CBI koh luh an tum thu sawi mah se, term hnih deuhthaw ro an rel hnuah pawh CBI hi an la ko lut ta chuang lo nia sawiin, Lottery leh Mizoram Carbon chungchang chhui tura MNF-in \um 4 an ngen hnuah CM, Pu Lal Thanhawla’n tifel tawh anga a insawi hnu thla tam ral hmain CBI koh luhna tur chu a sut leh nghal nia sawiin, CBI koh luh chungchangah hian MNF leh Congress Party hi an inhlau tawn a, tunah hian MNF-in CBI ko lut turin CM hi ngen angin lang mah se, a tak takah chuan CBI koh luh hi an ngam tak tak em tih chu an zawhna a nih thu leh Congress sorkar chu an Term zawh hma ngeiin, kum 1999 a\anga vawiin thlenga Mizorama thil dik lo lian zawng zawng CBI chhuitir tura an phut thu an sawi bawk.
