Covid-19 rinhlelh leh State dang atanga Mizorama lo haw khung hran mek zinga eng natna vang pawha harsatna nei te chu hmun dang pan lovin Falkawn damdawi in pan zel tura tih an ni a, hetihrual hian damlo dang tan erawh pan a rem lo tih an sawi. SRHF – ZMC Covid 19 Taskforce Bulletin-in a tarlan danin, vawiin khan Falkawn-a Covid-19 testing laboratory-ah sample panga endik a ni a, an vaiin Covid 19 an kai lo tih finfiah a ni. Vawiin khan State Referral Hospital-ah rinhlelh pathum admit thar an ni a, an zinga pakhat chu a sample endik tawh niin, a result a negative a, mi dang pahnihte Sample pawh lak a ni tawh a, naktuk lamah endik a ni ang.
Nizan khan Quarantine Centre-a awm mek pakhat chu pumna avangin Falkawn damdawi in panpui a ni a. Doctor ten uluk taka an endik hnuah Pumpui pawp a ni tih hmuhchhuah a ni a, hlawhtling taka zai nghal a ni a, tunah hian ICU duan lailawkah dah mek a ni.
