Mi tam tak rilru-ah zirtirtu hna chu hna pakhat ve mai a nih avangin an tana ni bik ruat kher chu \ul ti lo an awm mai thei a, hemi rual hian zirtirtu hi hna pangngai a nih piah lamah mihring nun chhertu an nih avangin an hna chu hna dang nena khaikhin theih a ni lo tih hriat a ngai a ni, a ti. Pu Zonunsanga Khiangte chuan, zirtirtu zingah zahawm leh ngaihsan awm tak tak an awm laiin, zah phu lo leh nunchang thlenga inthlahdah an awm ve bawk \hin a, heng mite hi an mahni chauh ni lo, midang thlenga an zahawmna hloh tir thei an nih avangin an nun an hman fimkhur a ngai hle a a, zirtirtu aikal lak chingte pawh ram leh hnam hmelma ang hiala ngai an awm \an avangin an inngaihtuah chian a \ul tak zet tih a sawi.
St. Anthony’s Higher Secondary School-in Teachers’ Day an hmannaah hian Lenzem chanchinbu Editor, Pu Vanneihtluanga leh Vanglaini Jt. Editor, Pu Lalnghinglova Hmar-in zirlaite fuihna thu an sawi a. Pu Vanneihtluanga chuan, zirlai tam tak zingah tum mumal nei lova lehkha zir ve tawp an awm \hin chu sim a hun tak zet tih sawiin, khawvel \hang zelah sorkar hna-in mi tin a daih dawn loh avangin mahni inhai kaw thei tura \anlak a \ul a ni, a ti a. Zirlaite chu an harsatna inhneh tir lova, an hlawhtlinna kailawn atan hman thiam tur turin a chah bawk. Vanglaini Jt. Editor, Pu Lalnghinglova Hmar pawhin, zirlaiten an zirtirtute zah chu an tih makmawh a ni tih an hriat a ngai tih sawiin, Mizo \halai zingah aia upa zah nachang hre lo an awm chho mek a, hei hi thil \ha lo tak a nih avangin aia upa zah tura inzirtir thar chu a \ul hle a ni, a ti a. Aia upa zah nachang hre lote chu eng angin hlawhtling pawh ni se, an hlawhtlina chu a tluantling lo tih hriat a \ul a ni, a ti.
Hetiang bawk hian Mizorama zirna in hrang hrangah zirtirtute ni hi an mahni remchan dan ang angin an hmang hlawm a, zirlaite chuan an thiam thil chi hrang hrang an entir a, zirlai \henkhat chuan an zirtirtute hnenah zahna leh duhsakna thilpek an hlan hlawm a ni.
