Sikul hrang hrangten an remchan dan angin an hmang hlawm a, sikul \henkhat chuan nilenga hun hmangin intihhlimna chi hrang hrang an buatsaih bakah an zirtirtute chawimawina leh zahna an hlan a, zirlaite’n an zirtirtute hnenah chawimawina thilpek an pe hlawm a ni. Champhaia Govt. Vengthlang Middle School-in zirtirtute ni an hmanna chu Bawrhsap, Dr. Naveen Aggarwal-a’n a hmanpui a. Ram leh hnam din chhuahna kawnga zirtirtute hnathawh leh inpekna chu a hlu hle tih sawiin, zirlaite chu Sap \awng zir kawngah \an la turin a chah a. Zirlai naupangte chu an mi ngaihsan zawng leh mi hlawhtlingte nun a\anga zirtur \ha awmte zir a, chutiang mi te anga hlawhtlin tum ve turin a chah bawk. He inkhawm hi an sikul Headmistress, Pi V.L Rochhari’n a kaihruai a, Champhai DIPRO, Dr. Lallawmkima pawhin thu a sawi a. Teachers’ Day puala Education Minister, Pu H. Rohluna thuchah chu zirtirtu Pu H. Lalhruaitluanga’n a chhiar a. Pi Lalsiamliani’n Dr. Sarvepalli Radhakrishnan a chanchin chhiarin, he ni puala an District Bawrhsap thuchah chu Pu C. Lalhrilliana’n a chhiar chhuak bawk.
Teachers Day hi Champhai District Level Teachers’ Day Celebration Committe member-te pawhin Sikul hrang hrangah an hmanpui bawk.
