Zirtawpni-a CADC inthlanna neih tura Campaign beihpui thlakin, MPCC President Pu Lal Thanhawla’n MNF President Pu Zoramthanga thusawi na takin a beilet. Vawiin khan Chawngte (C) Congress Bhavan-ah thu sawiin, MPCC President chuan Chakma Autonomous District Council \hiah hi ka hna hmasa ber a ni ang tia Chief Minister a nih hlima chanchinbumite hnena sawitu chuan, Chakma pakhat mah candidate ka dah lovang tih a puang leh a, Chakma candidate tam tak tunah a puang leh si a ni a ti a. Pu Lal Thanhawla chuan MNF hotupa in CADC inthlan atana a campaign-naah Chakma-te chu Chakma Vibrant Nation tiamah a puh a, tu fa mahin India hnuaiah Vibrant Nation a siam thei lo a, Politics chu rindan leh dawt sawia intihlen tumna chi a ni lo, a ti.
Chief Minister nibawk Pu Lal Thanhawla chuan Congress party policy NLUP chu a \ha hle nia sawiin, Congess sorkar chuan a chhunzawm zel dawn a ni a ti a, Congress sorkar chu hnam hnufual zawkte leh hmeichhiate chawikangtu nia sawiin, CADC-a Congress party in hmeichhe candidate a neih chu hneh taka thlang tling turin mipuite a ngen a ni. Chawngte (C)-a Congress intawhkhawmnaah hian Minister pathum Pu Zodintluanga, Pu PC Lalthanliana leh Pi Vanlalawmpuii Chawngthu te pawhin thu an sawi a ni.
