Union Home Ministry-in zirna in leh pawl hrang hrangin ram pawn a\anga pawisa an dawn theihna a titawp a, Foregin Contribution Act, 2010 hnuaia inziak lut pawl leh zirna in, 18,871 chu kum 2010 a\ang khan chhiah an chawina tur, lehkha pawimawh bakah an pawisa lak luh dan kimchang an thehluh loh vangin, an FCRA registration tihtawp a ni tih an sawi a, heng pawl leh zirna in hrang hrangte hi insawifiahna hun pek an lo ni tawh tih an sawi bawk. Union Home Ministry-in FCRA registration a tihtawp zingah hian zirna in lar tak tak, Jawaharlal Nehru University, Delhi University, Indira Gandhi National Open University, IIT-Delhi, Mumbai University, Pune University leh Lady Irwin College te pawh an tel a, pawl zingah pawh hian Supreme Court Bar Association, Gandhi Peace Foundation, Nehru Yuva Kendra Sangathan leh People for Animals te pawh an tel a ni.
