Samagra Shiksha, Mizoram aiawhin State Project Director Pu Lalhmachhuana’n thuthlungah hian hming a ziak a, Central YMA aiawhin President Pu Vanlalruata’n hming a ziah bakah Education Minister Pu Lalchhandama Ralte-in hming a ziak bawk.
Education Minister Pu Lalchhandama Ralte chuan ram leh hnam humhalh turin zirna chu a hnuk pawimawh a ni tih hriain YMA in Zirna uar kum a lo puang tawh a, kawng hrang hranga zirna ti hmasawn tura YMA hmalakna chu sorkarin hriain thawhdunna thuthlung chu siam a ni a ti.
Samagra Shiksha, Mizoram leh Central YMA in thawh hona thuthlung an ziah hi kum 2 chhung atan a ni a, zirna siamthatna kawngah Naupang kum 6-14 inkar sikul kai rual si, sikul kai lo dap chhuah leh sikul luhtir tura hmalaknaah te, Naupang rualbanlo zirna lam te, zirlai naupangten ngaihsan tur dik an ngaihsan theihna tur leh hnam ziarang inzirtirna lamahte an thawkho dawn a ni. Thuthlung ziahna inkhawm hi Education Secretary Pi Esther Lal Ruatkimi’n a kaihruai a ni.
