Krismas hmang tura Aizawl a\anga mahni khaw pana haw tur an \hathnem avang leh, vawiin a\anga No Vehicle Zone siam tur avangin, tukin dar 5:30 vel a\ang khan Aizawl khwpui laili laiah Traffic a jam \an a, Traffic hotute hnen a\anga ZONET thu dawn danin, No Vehicle Zone siam a nih dawn avang hian a tlan theih hun chhung chuhin mi tam takin zing karah motor-in bungaw rit leh tam tham deuhte an la lawk niin an sawi a. Aizawl-a Krismas bazar tura lo kal leh, mahni khuaa haw tur an \hathnem bawk avangin, khawpui laili laiah hian Traffic hi a jam hma hle niin an sawi. Krismas-a haw tum an tam avang hian, Maxicab service pawh a pun phah nasa hle a. Aizawl hnai deuh khua, lehlanga tlan theihnaah phei chu ni dang aiin Maxicab te hi a tlan zing a. Lunglei leh Aizawl inkarah pawh lehlanga tlan an awm a ni. Transport Department pawhin ni danga bus an tlantir lohna khuaah bus engemaw zat an tir bawk a. Heng bakah hian mimal lirtei inhman\awma mahni khaw lama haw engemawzat an awm bawk a. Tun kar chho-ah hian zing karah Aizawl Temple Square, Dawrpui-a Millennium Centre chhehvel leh Zarkawt-ah Maxicab chhuak tur hi a ding tam zual hle a ni.
