Emmerson Mnangagwa chu Zimbabwe President thar atan lak luh a ni ta a, Harare khawpuia stadium pakhata inkhawm buatsaihah, mi sang tam tak hmaah rinawmna thu tiamtira lakluh a ni a, an ramin zalenna a hmuh a\anga kum 37 chhung, President la ni ngar ngar, kum 93 mi, Robert Mugabe a thlak ta a ni. Puan tawh \hin angin, President thar hi Mugabe-a hnuaia Vice President pakhat a ni a, tun thla tirah khan Mugabe-a hian a ban a, hei hi President thar atana a nupui, Grace Mugabe-i dah a tum vang nia hriain rorel lai pawl, Zanu-PF party leh sipai an inrawlh ta a, Mugabe-a hi a bang lo thei ta lo a ni. A nunna a him lo thei dawn nia hriain Mnangagwa hian South Africa a pan a, Mugabe a ban hnu, Nilai zan khan an ramah a haw leh ta a ni. Eptu pawlte chuan President thar hi an rama hlemhletna nasa lutuk tibo ngei turin an ngen a, Mnangagwa hian an ram roreltu hlun tak chu thl^k mah se, pawl thuhmun leh ram rorelnaa mi pawimawh zinga mi a nih reng avangin, he rama thil \ha lo tam takah a tel ve tho a ni. Kum 1980 chhova tualchhung indo lai pawhin mi enthlatu zinga mi a ni a, a hnuaiah hian mi sang tam tak an thi nia ngaih a ni a, mahse ani chuan heng thilah hian fihlimin a insawi a ni. President thar lak luhna inkhawm, National Sports Stadium-a neihah hian mi sing tam tak an tel a, zaithiam, Jah Prayzer a zai a, mipuite chu an lam nasa hle a, President thar lak luh inkhawm urhsun ai mahin intihhlimna, concert lam a ang zawk mah a ni. He inkhawmah hian Africa ram leh ram dang hruaitu engemawzat an tel a, eptu hruaitu langsar, President thlanna pawh chuh ve tawh – Morgan Tsvangirai leh Joice Mujuru pawh an tel a ni. Mnangagwa hi Chief Justice, Luke Malaba-a’n rinawmna thu a tiamtir a, Zimbabwe ram tana rinawm te, mipuite humhim leh an chanvo humhalh te a tiam a ni. President thar hi a nupui, Auxilia-i’n a \awiawm a, laipui vawi 21 kah a ni bawk.
Zimbabwe President bang ta, Robert Mugabe hi thubuai siamsak loh tura tih a nih b^kah, him taka ven tura tih a ni a, hei hi nimin khan tihfel a ni. Mugabe hi Zimbabwe ram hruaitu hlun a nih avangin, thil dik lo tam tak tia ngaih ni mah se, sorkar chuan a chunga phuba l^k leh thubuai siamsak zui a tum lo nia hriat a ni a, amah pawhin ram danga tlanchhiat a tum loh thu leh, an ram ngeia thih a duh thu a sawi niin BBC chuan a sawi. President a nih loh hnua a dinhmun tur chungchangah hian sorkar aiawhte nen engkim sawi fel a ni a, ram dangah a zin duh pawhin a zin thei ang a, ram chhungah pawh ven himna \ha tak p>k a ni ang. Pension hlawh te, chenna in te, veivahna te, damloh nikhuaa inenkawlna te, ven himna te leh thlawhnaa zin theihna te pawh sorkarin a pe ang a, tun hnaiah a rilru a hah avang leh, a upat tawh avangin inenkawl turin Singapore-ah kal a duh nia hriat a ni. Mugabe hian mi hausa a nih loh thu leh, ram pawnah phei chuan engmah a neih loh thu a sawi \hin a, mahse tun hnaiah a nupui, Grace-i leh Belgium mi, sumdawng chu lunghlu zungbun, dollar nuai 13 man chungchangah an intih thiam loh avangin, an nei nung hle nia rin a ni. Mugabe hian ran vulhna hmun a nei a, a nupui hian South Africa ramah in leh car to chi a lei nia sawi a ni bawk.
