Court thuziah dan chuan kum 2016 khan Mugabe hian suitcase-ah cheng mtd 1 vel thunin Zvimbe khua-a a lehkhabu dahkhawmna hmunah a thukru a, tun thla ni 6 khan cheng 78,000 vel chauh a lo awm tawh a ni.
Rinhlelhkai mi 3 zingah hian Mugabe nena inlaichinna nei, kum 50 mi, Constancia Mugabe pawh a tel ve a, thuneitute chuan lirthei bakah in leh ran lei nan pawisa hi an hmang tawh nia an hriat thu an sawi a, anmahni khingtu te sawidan chuan Mugabe-a in chahbi hi Constancia hian a kawl a, in tifaitute nen inthurualin pawisa hi an ru a ni.
Mugabe-a’n kum 37 chhung an ram a hruai lai khan eirukna a hluar hle a, an ram sum dinhmun a tlachhe nasa hle bawk a, nikum November thla khan a thuneihna chhuhsak a ni a, Singapore-a inentir tura a kal hnuah a chin hriat a ni chhunzawm ta lo a ni.
