Zimbabwe Human Rights Commission chuan mipui pungkhawm hnawtdarh tura sipaite tharum thawh dan chu na takin a sawisel a, mipuite hi awmze nei taka nghaisak an ni a ti. Tuialhthei man san chak lutuk vangin hapta hnih khan liamta a\ang khan Zimbabwe ah hian mipuiten lungawi lohna an lantir a, sorkar thupuangtu chuan sipaite chet dan hi \anin, thunun hleih theih loh thil a thlen chinah chuan khauh deuh zawka chet a \ul \hin a ni a ti a, hetihlai hian khawpui hrang hranga sipaite chet dan chuan sawisel a hlawh nasa hle a, hmun \henkhatah chuan sipaite hian lungawi lohna lantirtute chu mi 30 rual vela khalhkhawmin an nghaisa chiam nia sawi a ni.
Human Rights Commission chuan hapta liamta a\ang khan sipaite chetna avang hian mi 8 aia tlem lo an thi tih a sawi a, hengte hi sipaiten silaia an kahhlum an ni hlawm. Commission report in a tarlan danin sipaite hian hmun \henkhatah chuan mi in chhung luh chilhin a chhunga awm, puitling leh naupangte nen khawlaiah an khalh chhuak a, bawhkhup tirin tiangin an vaw zui bawk a ni.
