ZPM member, Pu C. Lalsawivunga zawhna leh zawhbelhna dangte chhanga he thu hi sawiin, Dr. R. Lalthangliana chuan, Sorkar hmasa-in Zemabawka cancer Reasearch Institute a lo bautsaih tawh chu thlak danglam hlekin, Speciality Hospital-a ruahman tum a nih thu a sawi a. Khum 100 awm theihna Damdawi in changtlung tak siam tum a nih thu leh State dang a\ang pawha pan tlak ni tura buatsaih tum a ni, a ti. Health Minister chuan, he hmalakna atan hian Japan International Cooperation Agency (JAICA) a\angin Rs. vbch 500 puk tum a nih thu leh heta \anga zaa 20 chu Counter Part Funding tur a ni a, a bak zaa 80 chu Loan a kal tur a ni tih sawiin, Loan hi zaa 1.5 emaw zaa 1.25 emaw vela pung tur niin, Fixed Rate-in kum 30 chhung vel rulh a ni dawn a, hemi piah lamah hian kum 10 chhung chu hriatthiamna pek an ni dawn tih a sawi.
Zemabawka Mizoram State Cancer Institute hnathawh muan a nih chhan zawhna chhangin Health Minister chuan, an awm ve hmaa thil kal tam tak a awm tih sawiin, Sorkar laipui a\anga 2nd Instalment hmuh tur chu hun rei tak hmuh a nih tawh loh avangin hnathawh chak theih a nih loh thu a sawi a. Cancer hemna khawl pawh a thlenna a rei tawh a, a dahna tur ruahman lawk a nih loh avangin harsatna an tawk mek tih sawiin, Falkawna Zoram Medical College-ah pawh hetiang bawk hian khawl awm tawh, a dahna tur awm loh avanga harsatna tawh a awm tih sawiin, hetiang thil tih a nih dawn reng reng hian a hmaa lo inbuatsaih lawk ni \hin se \ha a tih thu leh tunah hian 2nd Instalment hmuh thuai beisei a ni a, hna pawh \an theih \huai beisei a ni, a ti.
