Kum 2004-a Urban Health Centre-a bul\an, 2014-a Urban Primary Health Centre-a hlankai leh tuna Health & Wellness Centre ni ta hi a building te thuam thar a ni ang a, a thlawna Laboratory Investigation tih theihna tur te, Damdawi tam zawk a thlawna pek chhuah theihna tur te leh damlo enkawl kawnga \ha zawk leh huam zau zawka thawk thei tura thuam chak a ni dawn a, tunlai thiamna changkang zel te hmang thei tura tih chak a ni dawn bawk.
Hawnna thu sawiin, Dr R Lalthangliana chuan Mizoram puma Primary Health Centre leh Sub Centre te chu thuam chakin, Health and Wellness Centre a leh tum a ni a, kum 2022 ah chuan hei hi tih hlawhtlin vek tum a ni a ti. Dr R Lalthangliana hian Zemabawk a cancer hospital chu cancer specialty centre-a ti changtlung turin cheng vaibelchhe 500 hu ruahmanna siam mek a ni tih a sawi a, cheng vaibelchhe 480 hmanga RIPAN tihchangtlunna tur sorkar laipuiin a ruahman fel tawh tih a sawi bawk.
Hawnna inkhawm hi Ayushman Bharat programme-a sorkar laipui thawhpui Johns Hopkins University affiliate NGO Jhpiego USA, hotu ber Dr. Leslie Mancuso leh a thawpui midang 5 ten an hmanpui a, hawnna inkhawm hi Health Secretary Pu H. Lalengmawia’n a kaihruai a ni.
