Zarkawt Joint Action Committee chuan thuchhuah siamin, September ni 7 zana Zarkawt vengchhunga buaina chhuak chungchang leh a hnu zela thil thleng awm chungchangah danin ro a rel mai dawn avangin mipuite chiai lo tur leh buaina siam zawnga hma la lo turin an ngen.

NGO hrang hrang awmna Zarkawt Joint Action Committee chuan Zarkawt JAC te demna lam hawi thuziak facebook, whatsapp leh a dangah te hmuh tur tam tak a awm thu an sawi a. He thil thleng leh a kaihhnawih chungchangah hian Zarkawt JAC chuan a tir te a\angin beng an chhit reng thu leh thil awmdan an en zui reng thu an sawi a. He thil thleng chungchangah hian thu dik tak haichhuaha finfiah a nih hma chuan mahni ngaihdan leh rinthu thehdarh mai mai lo tur leh thu belhchian dawl lo leh thu puarpawleng mai maiah mipuiten ngaihdan siam lo tur te, buaina siam zawnga thil ti lo tur te-in a ngen a ni. He thilah hian
Police-te chuan FIR bawhzuiin hma an la mek a, rang taka Chargesheet thehluh tum a nih thu Aizawl Police Station OC chuan Zarkawt JAC hotute a hrilh a ni.