Nimina India a lo thlen hnuah Modi leh Xi Jinping te hi vawiin khan an inkawm a. Hemi hmalam hian Mahabalipuram temple tlawhin inkungkaihna \ha zawk nei turin an lo inberem tawh a ni.
Xi Jinping chuan Modi leh amah chu lang tlang tak leh \hian \ha an nihna angin thinlung inpawh takin an inkawm tih a sawi. India leh China chuan mifirfiakte leh ram rorelna dan kalha che \hin pawlte do let turin an intiam a, chu intiamna chu bawhzui turin an inberem bawk tih sorkar thupuangtu-in a sawi.
President Xi Jinping hian PM Modi nena an inbiakna chuan rah \ha a chhuah dawn tih sawiin, China mipuite-ah nghawng thuk tak a nei dawn a ni a ti a, ram hruaitu pahnihte hi Chennai-a Mamallapuram ah minute 70 chhung an inkawm leh a, nimin lama an lo inkawm tawhna te nen chuan hruaitu pahnihte hi darkar 5 chuang an inkawm tawh a ni.
President Xi hian China leh India ten tun anga inbiakna hi an neih chhunzawm fo dawn tih a sawi bawk. Nikum April thla khan hruaitu pahnihte hi China Wuhan ah an lo inkawm tawh a ni.
Jammu and Kashmir inhung bikna India in a \hiah hnua Union Territory pahniha a \hen thuah China hian India hmalak dan a lo sawisel tawh avang leh ni hnih khat kalta maiah Pakistan President Imran Khan leh President Xi te hi an lo inbiak tawh bawk avangin, tuna Prime Minister Modi leh President Xi te inkawm hian khawvel ngaihven a hlawh hle a ni.
