Kanika Kapoor hian Covid-19 a vei tih finfiah a ni a, natna hri leng hi a kai tih hriat a nih hma-in Lucknow-ah mi hmingthang tak tak te nen zanriah an kil ho va, chung zingah chuan Delhi-a politician hlun tak tak te, parliament leh President’s house member te an tel a ni.
Tun thla ni 14 khan Lucknow \umhmunah Kanika Kapoor hi enfiah a ni a, khawsik sang tak a nei tih hriat a nih hnuah in lama inkhung hrang turin tih a ni a, an thurawn chu a ngaihpawimawh loh avangin Lucknow Chief Medical Officer chuan IPC Section 188, 269 leh 270 hnuaiah FIR a thehlut a ni.
Kanika Kapoor hian tun thla ni 11 khan Lucknow \umhmunah a \um tih sawiin, London-a a thlawh hnuah Mumbai-ah tun thla ni 9 khan a kal niin a sawi a, Lucknow-a an enfiahnaah chuan a fihlim avangin coronavirus a kai a inring lo tih a sawi bawk. Kanika Kapoor hi tunah chuan Lucknow damdawi inah dah hran a ni tawh a ni.
