Young Mizo Association, Tlabung branch-in, khawlaia chhuak loa inkhung tura Sorkar thupek kenkawh a nih avanga an veng chhungah chhuanchham an awm a nih chuan, anmahni puihna tur buhfai leh mamawh zualpui thil dang an chhek khawl.

YMA Tlabung branch hruaitute chuan, khawsak dan inang lo tak tak an nih avangin, mipui nawlpui huapa inkharkhipna thupek kenkawh a nih tak avang hian harsat lehzual phah mi eng emaw zat an awm dawna an hriat thu an sawi a, chung mite chu ei leh in tur tlachhama an awm lohna turin a remchan dan kawng dapa hma an lak reng thu an sawi.

Tun dinhmuna buhfai leh chaw atan rin theih thil dang an chhekkhawlte hi YMA Runah, mamawh an awm thulha rang taka pekchhuah nghal theih turin dah khawm a ni a, hemi atana a tul dan anga hman turin, bialtu MLA Pu Nihar Kanti Chakma leh PWD EE Pu C. Laldintluanga-ten cheng 2000 ve ve an hlan a ni.