Young Lai Association, Bualpui (NG) Sub Hqrs. Executive Committee meeting vawiina Bualpui Tourist Lodge-a neihah YLA kumpuan, ‘Faina leh thianghlimna’ tih kalpui dan tur ngaihtuah a ni.

Faina leh thianghlimna pawimawhzia inzirtirna ni hi kumin March ni 27-ah Branch tin huapa neih tura ruahman a ni a, ramkang ven dan tur chungchang pawh sawihovin Branch hrang hrangte chu an thil tih tum dan Sub Hqrs. hriattir turin ngen an ni. Lui leh ram ngawa nungchate humhalh dan tur chungchang sawiin, luia sangha bomb leh dynamite hmanga mante chu cheng sing 1 chawitir nise an ti bawk a ni. He meeting hi Bualpui (NG) Sub-Hqrs YLA President, Pu K. Hrangvela’n a kaihruai a ni.