YMA Sub Hqrs. Lunglei chuan YMA kumpuan, Ram leh Hnam Humhalh bawhzui nan vawiin khan Lungleia Kohhran hrang hrang hruaitute, Tlawmngai pawl hrang hrang, Lunglei Town Branch YMA aiawh leh MJA member te a berawn a, Lunglei Sub Hqrs. YMA Conference Hall-a an inkawmnaah hian tribal ni lote chu dan kalha an sumdawn lohna tur te, YMA-in pem lehkha a pek dan tur te, khawtlang sualna do kawnga rualkhai zawka hnathawh dan tur leh chhiatnia Kohhran leh YMA mawhphurhna te, huamzau takin an sawihova, hun lo kal zel tura thil tih dan tur tha zawk nia an hriatte an sawiho bawk. He sawihona hi Lunglei Sub Hqrs. YMA Vice President, Pu Lalrotluanga’n a kaihruai a ni.
