Rorel inkhawm hi Central YMA President, Pu Vanlalruata’n a kaihruai a, chawhm lam inkhawmah nikuma Champhai Zotlanga YMA General Conference leh kumin rorel inkhawm inkara YMA thite an sun a, General Secretary leh Finance Secretary hnen a\angin report ngaihthlak a ni a, hemi hnu hian rorel inkhawm \an nghal a ni.
An thurel zinga YMA khawih, Mizorama kohhran hrang hrangte nen ram leh hnam humhalhna kawngah thawh hona leh inpumkhatna \ha zawk a awm theih nan central YMA-in hma la rawh se tih te, thingtlang lama zirna a \hat zawk theih nan Central YMA-in hma la rawh se, Mizo
hnam incheina hi dan anga humhalh tura hmalak ni rawh se, Mizo \awng humhalh kawngah
Central YMA-in hma la rawh se, zu leh ruihhlo do kawngah tun aia nasa leh chak
zawka Branch tinten hma an lak theih nan Central YMA-in hma la rawh se, Sorkar
a\anga hmasawnna hnathawh tur reng reng sanction a nih ang taka thawh a nih theih nan Central YMA-in hma la rawh se tih leh mipuiten Ration buhfai leh gas buk dik leh tling an lak theih nan Central YMA-in chak leh rualkhai zawkin hma la rawh se tih te an pawm a ni.
Sorkar khawih zingah Mizo hmeichhiaten hnamdang, Tribal ni lo an neih a, Schedule Tribe Status a\anga paih a nih theih nan Mizoram legislative Assembly-ah “Social Custom Bill”
Pass a nih theih nan Central YMA-in hma la rawh se tih te, National Register of
Citizens (NRC) chu Mizoramah kalpui ni ve rawh se tih leh Champhai leh Myanmar-a
Tahan inkarah Bus Service tir turin Sorkar-in hma la rawh se tih te chu lungrual takin an pawm a ni.
General Secretary, Pu Lalhmachhuana Report a\anga a lan danin, tunah hian Mizoram
pumah YMA Branch 804 a awm a, Central YMA 1, Sub. Headquarters 5 leh Group
47 awmin, YMA Members 4,27,393 an awm a, mipa 2,54,944 leh hmeichhia
1,27,449 an ni. Heng bakah hian Mizoram pawn Assam, Meghalaya, Manipur
Tripura leh Nagaland-ah YMA Branch leh Group a awm a, Bangladesh-a Sajek-ah
YMA Branch a awm bawk.
YMA rorel inkhawmah hian Ramngaw leh nungcha humhalh \ha Branch leh Group hnenah lawmman pek a ni a, Branch YMA zingah Haulawng Branch chu pakhat niin, Chaltlang Branch leh Zuchhip Branch-in an dawt a. Group YMA zingah Chalhfilh Group YMA chu pakhatna niin,
Siatual Group leh Tuiphal Group-in an dawt a ni.
Central YMA Chanchinbu la \ha Aizawl khawpui chhung a\angin Salem veng Branch, Chaltlang leh Vaivakawn Branch te an ni a, Aizawl khawpui pawn a\angin Champhai Zotlang, Lamka Manipur leh Khawzawl Zaingen Branch YMA ten lawmman an dawng a ni. Member tam lam a\anga tehna YMA chanchinbu la \ha pathum – Dilkhan Branch, Khawzawl Zaingen leh
Aizawl Salem veng Branch YMA hnenah lawmman pek a ni bawk.
Branch YMA chanchinbu \ha thlanchhuahah Aizawl khawpui chhung a\angin Chanmari Branch YMA chanchinbu CHANMARIANS, Republic Vengthlang Branch YMA chanchinbu
ZOPAR tih leh Ramhlun North Branch YMA chanchinbu MARYMA ten lawmman an dawng a, Aizawl khawpui pawn lamah Kolasib Venglai Branch YMA chanchinbu ZONUN, Kolasib
Diakkawn Branch YMA chanchinbu YMA INLENG tih leh Sialhawk Branch YMA
chanchinbu LUNGPHUM ten lawmman an dawng bawk.
YMA rorel inkhawm kharna inkhawm chu Central YMA Vice President, Pu R. Lalngheta’n a kaihruai a, Central YMA President, Pu Vanlalruata’n thu a sawi a. YMA member zinga mi
hming\ha Lalremsiami Kolasib, Asian Games Silver Medalist bakah thisen pe tam
Aizawl Electrict venga C. Lalremruata, Mission venga RC Rokhum leh Zothantluangi
leh Aizawl Dawrpui venga Rebecca Saimawii te hnenah chawimawina pek a ni a. Tuihna
humhalh \ha, Vengfai leh thianghlim, Inter Branch Video Clip insiam siak leh
Kumpuan bawhzui \ha te hnenah lawmman pek a ni bawk.
