YMA General Conference vawi 71-na, Champhai Zotlanga neih mekah vawiin khan kum 2017 a\anga 2019 thlenga President atan Pu Vanlalruata, Tuikual South thlan a ni. Pu Vanlalruata hian President thlannaa vote tla zawng zawng 2,262 a\angin vote 1,288 a hmu a ni. Central YMA hruaitu thar thlanna, Zokhawpui R<na neihah hian Central YMA President, Pu Lalbiakzuala chu Returning Officer a ni a, hruaitu dang thlan tharte chu Vice President-ah Pu R. Lalngheta, South Hlimen, General Secretary-ah Tv. Lalhmachhuana, Chaltlang North, Assistant Secretary-ah Pu Peter Chhakchhuak, Maubawk Veng
, Treasurer-ah Pu Lalrochuanga Pachuau, Zarkawt leh Fin. Secretary atan Pu Fabian Lalfakawma, Chawlhhmun te an ni. Hruaitu thlannaah hian zaithiamte an zai bakah Zaipawlte pawh an zai a ni. Hruaitu thlanna buatsaih lai hian Mangkhaia Hall-ah Variety Programme hman a ni a, CEC member, Pu Lalthanfela’n a kaihruai a, malzai, thusawi tawi leh live band te ngaihthlak a nih bakah special item leh hnam lamte pawh thlirho a ni.
Zanin dar 7 a\anga dar 11 thleng, Pandalah palai thlahna inkhawm neih a ni ang a, inkhawm hi Treasurer, Pu J. Lalsailova’n a kaihruai ang a, he inkhawmah hian hruaitu atana thlan tharte chu Returning Officer, Pu Lalbiakzuala’n mipuite a hmelhriattir ang a, President atana thlan thar, Pu Vanlalruata’n mipuite hnena thuchah a sawi bawk ang a, CEC member, Pu RL Rindika’n palaite thlahna thu a sawi dawn a ni. He inkhawmah hian malzai, zaipawl zai leh thusawite ngaihthlak a nih bakah hnam lam leh lemchante entir a ni bawk dawn a ni.
Nizana Pandal-a inkhawmah YMA General Conference-a khuallian, CM, Pu Lal Thanhawla chuan thusawiin, khawvel sakhaw lian pathum, Hinduism, Buddhism leh Islam-te kar cheh kara awm, Mizote hi Chanchin |ha leh Mizo hnamzia-in a phuar hran niin a sawi a, Zohnahthlak zawng zawngte rorel khawl pakhat hnuaia an awm hun a thlen a beisei tlat thu sawiin, Zohnahthlakte tan Mizoram chu an inpui, an Jerusalem a nih avangin sorkar pawh Zohnahthlakte sorkar niin a sawi a, a chhunga awmte chu nu leh pa chan chang an nih avangin an nihna tlin taka chelh turin a fuih a, Zohnahthlak \awng hrang hrang hmangte khaikhawmtu chu Duhlian \awng a ni tih a sawi bawk. Pu Lal Thanhawla chuan YMA leh sorkar inkarah thawhhona \ha tak a awm \hin tih sawiin, an thawhhona te chu ram leh hnam humhalh kawngah te, faina beihpui thlakah te, ram ngaw, nungcha leh tuihna humhalhah niin a sawi a ni.
CM chuan ram leh hnam humhalh thei tur chuan hriselna, faina leh thianghlimna a pawimawh tih sawiin, hriselna tichhe thei vaihlo a\anga siam zuk leh hmuam laka fihlim tur te, ei leh in lamah pawh hriselna atana \ha lo laka insum thei tur te-in mipuite a fuih a, Mizoram rorelna leh venhim kawngah \halai lehkhathiam ten dinhmun an chan theih nan Central Service-a tlin tam tum tur leh Para Military Force thleng pawha dinhmun pawimawh chelh tum turin a fuih a, tunlaia hman uar tak, Social Media hman thiam tum tur leh Mizo \awng dik hman thiam tum turin \halaite a chah bawk. Hmasawnna atana sorkarin hma a lak chi hrang hrang tarlangin CM chuan, South East Asia ramte nena insumdawn tawnna atan Multi Modal Transit Transport Project kawng Myanmar-a Akyap Lawng chawlhna pawh tur siam a nih thu te, Myanmar nena ramria insumdawn tawnna tur, Zokhawtharah leh Bangladesh nena insumdawn tawnna tur, Kawrpuichhuaha siam a nih thu te, Bairabi-Sairang rel kawng siam mek chu Multi Modal Transit Transport Project kawng chhun tura siam tum a nih thu te a sawi a, Zoram chhim lama thlawhna \um hmun dang pakhat Siaha District-a Latawh-ah siam tum a nih thu leh Detailed project report pawh peih fel a nih tawh thu a sawi bawk.
Puan tawh angin nimina rorel inkhawmah kumpuan atan, ‘Ram leh Hnam humhalh’ tih thlan leh a ni a, hei hi ruihhlo do tih leh zirna uar tih te nen buk a nih hnuah pawm nawn leh a ni. Kum 2017-2018 budget atan Rs.1,14,87,900/- pass a ni a, kum 2019-a YMA General Conference chu North Vanlaiphai-ah nghah remtih a ni bawk. YMA khawih Agenda 5 te chu a vaia pawm a ni a, chung zingah chuan Rehabilitation Centre \ha leh changtlung tak neih theih nan Central YMA-in hma la rawh se tih a tel a, sorkar khawih Agenda 3 pass tak zingah chuan dan lo anga din Chakma Autonomous District Council hi dan anga \hiah a nih theih nan Central YMA-in hma la rawh se tih a tel a ni.
