Aizawl SP Pu C. Lalzahngova hnen a\anga ZONET thudawn danin, Aizawl District-a YMA leh Police \angkawpin ILP nei lo dap beihpui an thlaknaah hian, Aizawl Police Station area ah man an tam ber a, ILP nei lo leh hmang dik lo hnamdang 280 an man a, Bawngkawn police station Area ah mi 230 man an ni bawk.
Aizawl District huam chhunga man hnamdang 858 te hi court-ah hruai an nih hnuah Vairengte thleng Aizawl SP ruahmanaa phurh let a ni ang a, Mizoram ramri chin pawn lamah dah an ni ang.
ZONET thudawn danin heng hnamdang ILP nei lo leh hmang dik lo man khawm te hi an ei leh in tur buatsaih leh anmahni enkawl a hautak avangin court-in an chungthu a rel zawh hmasak apiang chu Mizoram pawnah phurh chhuah nghal zel an ni dawn a ni.
Mamit District-ah chuan YMA leh Police te beihpui thlaknaah ILP nei lo leh hmang dik lo 38 man an ni a, Lunglei District-ah 42, Champhai District-ah 27, Serchhip District-ah 98 leh Kolasib District-ah 135 te man an ni.
District hrang hranga ILP neilo mante pawh hi court a hruai an nih hnuah thawn let zel an ni dawn bawk.
