Kumpuan Sub committee Chairman, Central YMA Vice President Pu Lalhmachhuana kaihhruai sawi hona-ah hian Central YMA President Pu Vanlalruata chuan YMA in zirna uar kum a puan chuan zirna tluang pangngai bakah chhawr tlak thiam thil nei tura \halaite chher hriam chu a huam tih a sawi a, mizoten zirna kawngah tun aia nasa leh zuala hma an sawn theihna tura hmalak dan tur, inkaihhruaina pawh siam a nih thu a sawi a, zirna ti hmasawn turin mipui \anrual a \ul tih a sawi.
Kumpuan Sub Committee Secretary Pu Lalrinmawia chuan an hmalak tawhna chin leh an hmachhawpte a sawifiah a, Zirna uar tih chu kum 1996 leh 1997 ah te YMA in kumpuanah a lo hman tawh thu a sawi a, kumpuan bawhzui hna chu kaihhnawih ngah leh huamzau tak a nih avangin \ha taka thawh ho a \ul dawn a ni a ti.
Thusawitu dang MJA President Pu Zonunsanga Khinagte chuan kumpuan bawhzuina kawngah chanchinbumite chu an tih ve theih chin ti turin zau takin an inhawng tih a sawi.
Hemi hnu hian Zirna Uar kumpuan bawhzuina kawnga hmalak dan tur huam zau taka sawiho a ni a, chhungkaw inrelbawlna-ah zirna ngaih pawimawh a nih theihna tura nu leh pa te mawhphurhna zau zawka inzirtir an \ul thu te, khawtlang nun honaah zirna ngaihpawimawh a nih theihna tura \anlak dan tur te, zirlaite zir dan phung herrem ngai lai nia an hriatte leh zirlaite zirna ti sawt tur zawnga inelna thianghlim buatsaih dan tur te huamzau takin an sawiho a ni.
