Palai lawm inkhawm, Central YMA Treasurer Pu Lalrochuanga Pachuau kaihhruaia neih ani ang a, Home Minsiter, Hrangturzo Bialtu MLA ni bawk Pu Lalchamliana’n a hmanpui ang a, Ramngaw leh nungcha humhalh \ha, Tui hna humhlah \ha, YMA Chanchinbu \ha leh YMA Chanchinbu la \hate hnenah lawmman sem a ni ang.
YMA General Conference vawi 72-na hmang tur hian Zoram dung leh vang atangin palai tamtakin N.Vanlaiphai hi an pan a, Serchhip Police te chuan YMA palaite kalkawng vel lo kawhmuh tur leh a tul anga lo \anpui turin Keitum leh Chekawn khuaah te “Serchhip Police Help Desk’ an hawng a ni.
Conference-a rorel tura chhawp chhuah, Agenda zingah YMA khawih panga leh Sorkar khawih te a awm a, Mizoram chhunga in sak leh thildangah |heka tam ta lutuk hi a hautak em avangin, Central YMA-in hma la rawh se tih te, Mizo mipate dinhmun leh mawhphurhna inzirtir kawngah Central YMA-in hma la rawh se, All India Service leh Central Service dangah-te Zofate a tam thei ang ber kan luh theih nan, Central YMA-in mi bikte tanpuia chhawmdawl kawngah theihtawp chhuah rawh se tih te leh Mizo hnam peng hrang hrangte kan in unau leh zual theih nan, a huhova Kût hman theih dan Central YMA-in zawng rawh se tih te leh Kumpuan neih \hin, kum hnih chhung atana puan nise tih rawtna te chu ngaihtuah tura chhawp chhuah te a ni.
Sorkar khawih ngaihtuah tura chhawp chhuah te hi Assam leh Mizoram ramri chinfel anih theih nan Central YMA-in hma la rawh se.’ tih leh ‘Ramngaw leh Nungcha humhalh kawngah Sawrkar-in tun aia nasa zawkin hma la rawh se’ tih te a ni a, kumpuan atan rawtna lut, Ram leh Hnam Humhalh tih leh ‘Zirna uar’ an tihte chu rorel palaiten an buk dawn a ni.
Kum 2021 CYMA Gen Conf thlen Dilna Chhimtuipui Group YMA-Siaha leh Khawzawl Joint YMA, Khawzawl leh Bilkhawthlir Joint YMA Bilkhawthlir a\angin a lut bawk.
Tun \um Conference hi Central YMA hruaitu thar thlan kum a ni a, Ningani khian inthlanna neih a ni ang.
