Rorel inkhawm hi chawhma dar 11 a\ang khan North Vanlaiphai Public Playground-a Chhurbura Run-ah Central YMA President, Pu Vanlalruata kaihhruaia neih a ni a, hetah hian Agenda lut zinga YMA khawih panga – Mizoram chhunga in sak leh thil dangah \heka tam ta lutuk hi a hautak em avangin Central YMA-in hma la rawh se tih te, Mizo mipate dinhmun leh mawhphurhna inzirtir kawngah Central YMA-in hma la rawh se tih te, All India Service leh Central Service dangah Zofa a tam thei ang ber an luh theih nan Central YMA-in mi bikte \anpuia chhawmdawl kawngah theihtawp chhuah rawh se tih te, Mizo hnam peng hrang hrangte kan in unau leh zual theih nan, a huhova Kût hman theih dan Central YMA-in zawng rawh se tih leh Kumpuan neih \hin, kum hnih chhung atana puan nise tih rawtna te chu ngaihtuah a nih hnuah pawm vek a ni a.
Sorkar khawih pahnih zingah ‘Ramngaw leh Nungcha humhalh kawngah Sawrkar-in tun aia nasa zawkin hma la rawh se’ tih chu pawm a ni a, Assam leh Mizoram ramri chinfel anih theih nan Central YMA-in hma la rawh se tih chu tun dinhmunah chuan YMA rorel inkhawma sawi ho chu tawk an ti rih thung a ni.
Kumpuan rawtna lut pahnih zingah ‘Zirna uar’ tih an thlang a, kum 2021 YMA General Conferecne thleng turin Bilkhawthlir Joint YMA thlan a ni. Central YMA Treasurer, Pu Lalrochuanga Pachuau-in 2019-20 chhunga Central YMA Budget Rs. 1,67,76,400 a pharh chu an pawm bawk a, rorel inkhawmah hian palai 1,476 an tel a ni.
Vawiina rorel inkhawm neih a nih chhung hian North Vanlaiphai Community Hall-ah Variety Programme hman a ni a, inkhawm hi CEC member, Pu R. Lalduhawma’n a kaihruai a, CEC member, Pu Lalhruaitluanga’n ‘Rikrum thila hmangchang inzirtirna’ a sawi a. Zai, lemchan, hnamlam leh intihlimna chi hrang hrang entir a ni. Zanin dar 7 hian Chhurbura Run-ah Vantlang inkhawm neih chhunzawm a ni dawn a, inkhawm hi Central YMA General Secretary, Tv. Lalhmachhuana’n a kaihruai ang a, Ram leh Hnam humhalh tih thupui hmangin Central YMA Finance Secretary, Pu Fabian Lalfakawma’n thu a sawi dawn a, Chief Secretary, Pu Lalnunmawia Chuaungo kaihhruaiin YMA member-te chu ram leh hnam tana rinawm turin thuan tiam dawn a ni.
Naktukah chuan 2019-21 chhunga Central YMA hruaitu thar tur thlan a ni ang.
