YMA General Conference vawi 71-na, Champhai Zotlanga neih chu nizan khan a \iak ta. Nizana Pandal-a palai thlahna inkhawmah hian kum hnih chhung atana Central YMA President atana thlan thar, Pu Vanlalruata chuan, hruaitu nih hian mawhphurhna sang tak a keng tel a, sahimna hun leh hmun thliar hrang lova, fak hlawh beisei kher lova ram leh hnam tan hnathawh a ngai a, YMA chu mimala ken kawh theih loh leh a huhova Committee thu anga hnathawh \hinna a ni tih hre reng turin member-te a chah a, YMA General Conference vawi 71-naa thurel chu Committee-in \ha takin a bawhzui dawn niin a sawi. Pu Vanlalruata chuan ruihhlo do kawngah chak zawk leh khauh zawka \an lak a nih thu sawiin, Mizo nunze mawi leh tlawmngaihna humhalh leh vawn nun chhoh zel a \ul tih a sawi bawk. Central YMA President atana thlan thar, Pu Vanlalruata chuan Mizorama YMA member \hahnem tak awmte hian dikna tung dinga thil dik lo hai lan leh do a \ul niin a sawi a, chung zingah chuan buhfai buk dik lo, petrol pawlh dalte leh ei rawngbawlna gas khawih chingpente a tel tih a sawi bawk. He inkhawmah hian Central YMA President kal chhuak tur, Pu Lalbiakzuala pawhin thusawiin, President dinhmun, term hnih a luah chhunga thlawpna leh thawhpuina \ha tak a hmuh avanga a lawmthu a sawi a, Zohnahthlak zawng zawngte inpumkhat a \ul thu leh lungrualna \ha tak neih a \ul thu te, Chakma leh Tuikuk chungchang thilah pawh lungrual taka \an lak zui zel a \ul thu te sawiin, YMA chu Political Party leh pawl dang ang ni lo, party hrang hrang leh pawl hrang hranga mite inchhun finna leh thawhhona a ni tih sawiin, a chhe lai siam \hatu nih zel tum turin YMA member-te chu a chah a ni.
He inkhawmah hian YMA General Conference vawi 71-na Organizing Committee Chairman, Pu H. Laltuliana chuan ruahsur \hin laiin khaw \ha awm chhun karah YMA General Conference hman theih a ni chu lawmawm a tih thu a sawi a, Conference tihhlawhtlinna tura YMA Branch hrang hrang 64, Group 2, Sub Hqrs. 3 leh Central YMA a\anga \anpuina, tangkafai, Rs.2,70,000 chuang an hmu te, MP pahnih, MLA te leh Minister te a\anga \anpuina an hmu te chu thil lawmawm leh Conference tihlawhtlingtu niin a sawi a, Conference laia thil pawimawh tam tak kalsana Rih dil ena mi engemawzat an kal chu pawi a tih thu te, Conference-a kal palaite ham\hatna tura wholesale rate-a bungraw zawrhna foreign bazar, Comprehensive Middle School-a an buatsaih chu thil chhinchhiah tlak niin a sawi bawk. He Conference-ah hian Zotlang Counter-a in report palai chhinchhiah zat chu 3,690 niin a sawi a, YMA General Conference Champhai Zotlanga neih hi nizan dar 11:30 khan a \iak ta a, vawiin khan hruaitute leh palaite chuan anmahni hmun lam \heuh an pan leh ta a ni. Conference neihna Pandal, Zokhawpui R<n pawh vawiin khan \hiah \an a ni a, Organizing Committee huaihawtin Zotlang Branch YMA member-te leh hnatlang tura thawk chhuak dangte chuan \huthleng atana thingphel hman leh a dona atana brick hman te \hiatin an singsa fel a, Pandal satu, Silchar-a Chakeswari Tent House miten Pandal hi an \hiat \an a ni.
