Naktuka YMA dinchampha vawi 83-na lo thleng tur lawm turin Mizoram chhung leh pawna YMA Branch hrang hrangte an inpeih thawkhat a. YMA Day hi branch hrang hrangte chuan intihhlimna atan te, veng chhung tihfaina atan te, \anpui ngaite \anpuina atante an hmang dawn a; branch \henkhat chuan inkhawm an buatsaih dawn a, zan lama intihhlimna leh infuihtharna hun hmang turte pawh an awm a ni.
Central YMA President, Pu Vanlalruata chuan YMA Day hi Bawngkawn South, Venghlui leh Vaivakawn Branch-ah a hmanpui dawn a; Vice President, Pu R. lalngheta’n Maubuang, Sialsuk Joint YMA leh North Lungleng Branch-te a hmanpui dawn a, General Secretary, Pu Lalhmachhuana’n Leitan, Armed veng South leh Aibawk Branch-te a hmanpui dawn a, Asst. Secretary, Pu Peter Chhakchhuak-in East Lungdar leh North Vanlaiphai Joint YMA, Treasurer, Pu Lalrochuanga Pachuau-in Saitual Joint YMA leh Saichal Branch, Finance Secretary, Pu Fabian Lalfakawma’n Aizawl Electrict Veng leh Sihhmui Branch-te a hmanpui dawn a, hetiang bawk hian CEC member-te pawhin YMA Day hi hmun hrang hrangah an hmanpui dawn hlawm a ni. Mizoram hmun tam takah ruah sur kaihhnawih chhiatna thleng a tam avangin Branch YMA tam tak YMA day lawm ve thei lo tur an awm nual dawn a ni.
