Kum danga tih \hin ang bawkin YMA Day hi Branch hrang hrangin anmahni remchan dan \heuhin an hmang a, kumin hian Central YMA-in \anpui ngaite \anpui tur leh midang tana malsawmna kawnga ke pen tam tura a tih angin Branch tam zawk chuan hemi lam hawi hian hun an hmang a ni. Branch \henkhat chuan he ni hi nilengin intihhlimna hun atan an hmang a, infiamna chi hrang hrang hmanga an tihsiak bakah hnam lam leh incheina chi hrang hrang an entir a. Kumin YMA Day-ah hian thupui atan ‘Ram leh Hnam humhalh’ hman a ni a, ram leh hnam humhalh kawnga hmalak dan tur inhrilhfiah a nih bakah infuihtharna hun hman a ni.
Tlabungah chuan an khawtlangah chhiattawk an awm avangin YMA Day hi hman a ni lo a, hriattheih chinah Tlabung tih loh hmun dangah chuan YMA Day hi Branch hrang hrangin an remchan dan \heuhin an hmang hlawm a ni. Kum dang ang bawkin Central YMA hruaitute chu Branch hrang hrangah insem darhin YMA Day hi an hmanpui hlawm a. Central YMA President, Pu Vanlalruata chuan Leitan Branch leh Tuikual South Branch YMA a hmanpui a. Vice Presicent, Pu R. Lalngheta’n Serchhip Hmarveng Branch, Bawngkawn South Branch leh Hlimen Branch YMA-te a hmanpui a ni. General Secretary, Tv. Lalhmachhuana’n Sairang leh Chaltlang Lily Veng Branch YMA a hmanpui a, Asst. Secretary, Pu Puter Chhakchhuak-in Tuikhuahtlang, Sakawrtuichhun leh Maubawk Branch YMA, Treasurer, Pu Lalrochuanga Pachuau-in Chite, Aibawk, Lungdai leh Zarkawt Branch YMA, Finance Secretary, Pu Fabian Lalfakawma’n Aizawl Salem veng, Zotlang leh Chawlhhmun Branch YMA-te a hmanpui a ni. Hetiang bawk hian CEC member te pawhin YMA Day hi hmun hrang hrangah an hmanpui hlawm a ni. Tunah hian Central YMA hnuaiah Sub Headquarters 5, Group 48 leh Branch 804 awmin, YMA Member 4,27,393 an awm mek a. YMA Day pual hian Central YMA chuan Mizoram pawna Mizo Welfare Association 15 hnenah \anpui Rs. 10,000 \heuh a pe a, Sakawrtuichhuna |awngtai Bethel Camping Centre-ah Rs. 50,000/- hu eitur a pe bawk.
