YMA Central Coordination Committee Meeting vawi 86-na chu vawiin khan Tuikhuahtlanga Central YMA Office-ah neih a ni. CCC meeting hi Central YMA President, Pu Vanlalruata’n a kaihruai a, hetah hian YMA General Conference vawi 71-naa an thurel bawhzui dan tur chungchang leh YMA rorel inkhawm neih chungchangte sawihova ruahmanna siam a ni. CCC meeting-ah hian Central YMA OB 5, CEC member 50, Sub Hqrs. YMA hruaitu 24, Group aiawh 61, Aizawl City Branch hrang hrang aiawh 80 leh Mizoram pawna YMA Branch aiawh mi 3 an tel a, an vaiin 223 an tling a ni. He meeting-ah hian kumpuan ‘Ram leh hnam humhalh’ tih nikum chhunga bawhzui dan report ngaihthlak a ni a, kuminah pawh he kumpuan thupui bawk hi January thla khan Vanapa Hall-ah Central YMA President hlui, Pu Lalbiakzuala’n a hawn tawh thu te, tun thlenga kumpuan bawhzui dan te ngaihthlak a ni bawk. Puan tawh angin kumina YMA rorel inkhawm neih tur chu Vanapa Hall-ah October ni 19-ah neih ni se tia rel a lo ni tawh a ni.
