World Trade Organization hotu Roberto Azevedo-a’n khawvel pum insumdawnna tawna kawnga harsatna tawh mek sutkian a nih theih nan a rang thei ang bera hmalak a ngaih thu a sawi.

World Economic Forum Switzerland-a neihah thu sawiin Azevedo chuan ram hruaitute chu insumdawn tawnnaah ram hrang hrangte nen thuthlung siam turin a ngen a, ram engemawzat, mahni ram chhung chauha sumdawn tum an awm tak avangin ram leh ram insumdawn tawnna hian a tuar nasa dawn hle a ni tih a sawi bawk. Multilateral Trading System, ram engemawzat insumdawn tawn theihna WTO-in system an siam hian khawvel inher danglam zel nena inrem thei a nih chuan he harsatna hi sutkian theih a ni dawn tih a sawi a ni.