Vawiin hi kum 2001-a New York-a World Trade Centre in chhawng sang pahnih beih a nih kum 16 tlin ni a ni a, kha pawi khawihnaa thi chhungte, dam chhuakte leh chhanchhuah hna thawktute chuan vawiin khan kha thite hriatrengna hun an hmang a ni. He inkhawmah hian khami \uma thite hming chhiar chhuah a nih bakah, anmahni sun nan ngawi rengin hun eng emaw chen an ding a, an pualin dar vuak rik a ni bawk a, zankhuain eng pahnih chhit a ni bawk. Kum 2001, September ni 11-a pawi khawihnaah khan mi 3,000 \helh an thi a, World Trade Centre bakah US ven himna hmunpui, Pentagon leh Pennsylvania state-a khelmualte chu Al Qaeda mi firfiakten an bei a ni. New York chhuak, US President Donald Trump-a chuan World Trade Centre bakah Pentagon-ah US Defence Secretary, Jim Mattis leh Joint Chiefs of Staffs Chairman, General Joseph Dunford-te nen hriatrengna hun an hmang a ni.
Chanchin Thar World Trade Centre beihnaa thite hriatrengna hun hmang
