Eye Screening Camp ah hian mit doctor 2 leh Opthalmic Assistant 6 ten damlote an en a. Damlo te hnenah hian a thlawnin damdawi engemaw zat sem nghal a ni bawk. Mit entir zawng zawng hi mi 200 bawr vel an ni a, heng zingah hian mit naute paw 20 vel hmuh chhuah an ni a. Heng mit naute paw nei zinga a tam zawkte hi zai ngai chi an nih avangin Civil Hospital Aizawl-a zai turin an ruahman nghal zel a ni.
Eye Screening Camp neih zawh hian CMO Aizawl East leh Aizawl West bultumin Zokhua Convention Hall-ah World Sight Day pual inkhawm buatsaih nghal a ni a. Health Department Principal Director Dr. F. Lallianhlira chuan mit enkawl kawnga tih tur leh tih loh tur te a sawifiah a ni.
