District Vector Borne Diseases Control Programme hmalakna in ‘Zero Malaria Starts With Me’ tih thupui hmangin World Malaria Day hi hman a ni a, Kolasib Chief Medical Officer, Dr. Lalhlimpuia Sailo chuan Kolasib District chu faina leh thianghlimnaah nasa takin hma a sawn a, chu chuan natna chi hrang hrang umbona kawngah kawngro a su hle a ni a ti a, Malaria natna vei awm zat pawh Kolasib District-ah a kumbi telin an tlahniam zel a, malaria natna laka inven bakah a umbo hna chu mahni kutah \heuh a innghat a, Malaria pu darh tu thosi laka inven nan in leh a chhehvel vawn thianglim a \ul tih a sawi.
Senior Medical Officer, Dr. RK Lalthlamuana sawi danin Kolasib District ah hian a kum telin sikserh natna vei hmuh chhuah an tlahniam zel a, kum 2016-ah sikserh natna hrik pai 230 hmuh chhuah an ni a, kum 2017-ah 116 leh 2018-ah chuan mi 36 chauh hmuh chhuah an tawm tawh a ni.
