Mizoram Science, Technology & Innovation Council leh Patent Information Centre huaihawtin World Intellectual Property Day 2018 chu vawiin khan Science & Technology Conference Room-ah hman a ni. Kumina World Intellectual Property Day thupui atan hian “Powering change: Women in Innovation and Creativity” tih hman a ni a, a thil tum sawifiahtu Patent Information Centre-a Project Scientist, Pu C. Laltlanzuala chuan khawvela hmasawnna leh thiamna \hang zelah hmeichhiate thawh hlawkna leh \angkaina a tarlang a, tun dinhmunah World Intellectual Property Organisation hmanga Science peng hrang hrang, Biotechnology, Pharmaceuticals leh Chemistry-ah te hian neitu nihna (Patent) thehlut hnem ber chu hmeichhiate an ni tih sawiin Republic of Korea-ah phei chuan thil siam chhuah leh neitu nihna ‘Patent’ dilna za zela 50 hmeichhiate a\anga hmuh niin a sawi a, Mizo hmeichhia te zingah Science lairil lam luhchilhtu \hahnem tak an awm niin a sawi bawk. He inkhawmah hian Chief Scientific Officer, Dr. RK Lallianthanga Patent Information Centre an din chhoh dan leh a hnathawh hrang hrangte a sawi a ni. He inkhawma thusawitu dang Senior Scientific Officer, Pu Samuel Lalmalsawma chuan World Intellectual Property Day hi kum 2000 a\ang khan World Intellectual Property Organization bul tumin khawvel hmun hrang hrangah hman \an a ni tih a tarlang a ni.
